Како да се изборите со стресот на работа

 

 

Доколку во моментов сте во работен однос, во тој случај знаете како изгледа да бидете под стрес. Проектот којшто мора да се заврши доаѓа ненајавено. На секој избришан мејл пристигнуваат три нови. Телефонот ѕвони, состаноците се закажани, на заедничкиот проект настанува голем проблем.

Како вашето тело реагира на стрес?

Претставете си за момент дека шефот ви испраќа мејл за незавршена задача (предизвикувач на стрес). Вашето тело и ум реагираат веднаш, активирајќи физичка реакција како одговор на стресот. Срцето започнува да ви работи забрзано, исто и дишењето, а мускулите стануваат напнати. Во тој момент најверојатно ќе си речете самите себеси: „Ќе добијам отказ ако ова не го средам“. За да се изборите со анксиозноста и негативниот самоодговор, работите до доцна во ноќта за да го завршите проектот.
Во текот на нашата еволутивна историја, луѓето го имаат развиено овој координиран одговор поради стравот, како би се заштитиле од опасноста во нашето опкружување. На пример, напнатите мускули и забрзаната работа на срцето би ни помогнале да избегаме од предаторот. Овој одбранбен механизам ни помага да ја извлечеме енергија потребна за да ја завршиме работата.
Но, што се случува кога секојдневно се соочуваме со стресни околности на работа? Со текот на времето, хроничниот стрес на работа може да доведе до психолошкиот синдром познат како прегорување (burnout). Знаците на предупредување за овој синдром се чувството на неефикасност, цинизмот и потполната истоштеност. Некои тригери на стрес на работата се тесноповрзани со гореспоменатото „прегорување“. Примери се: премногу работа или премала независност, несоодветна плата, недостаток на заедништво помеѓу вработените, неправедност или непочит, како и неускладеност помеѓу работното место и личните вредности.

Како стресот на работа може да влијае на нашата благосостојба?

Долготрајното изложување на предизвикувачите на стрес на работното место, како во предмалку споменатите примери, може да влијае на менталното здравје. Научните истражувања го поврзуваат „прегорувањето“ со симптомите за анксиозност и депресија. Во некои случаи, ова го поставува темелот за сериозни нарушувања на менталното здравје. Всушност, едно истражување покажува дека младите луѓе коишто секојдневно се соочуваат со големи оптеретувања на работа и со екстремен временски притисок (кратки рокови) се поподложни на депресија и анскиозност.
Високото ниво на стрес на работа, како и надвор од неа, може да влијае и на физичкото здравје. Повторувањето на нашата реакција поради стравот може да го поремети телесниот систем и да ја зголеми подложноста на болести. На пример, со постојаното ослободување на хормонот на стрес, кортизолот, може да е наруши имунитетот и да се зголеми веројатноста за разивање на автоимуни заболувања, кардиовасуларни болести, па дури и алцхајмерова болест. Хроничниот стрес може да влијае на здравјето со тоа што пречи на здравото навики како вежбањето, избалансираната исхрана, дури и спиењето.
Стресот на работа може да наштети и на самите компании. “Прегорувањето“ ја намалува работната продуктивност, ги зголемува изостаноците и прометот на работата (пробивање на роковите за проектите, неуспешни проекти, итн.), а исто така доведува и до конфликти помеѓу колегите, што дополнително го зголемува стресот на работното место.

Како да се избориме со стресот на работа?

Сите ние можеме да имаме полза од учењето на потребните вештини за да се избориме со стресот и анскиозноста на работа.
Неколку техники научени при когнитивно-бихејвиоралната терапија (КБТ) може да помогнат, како на пример:

Стратегија на опуштање.

Опуштањето помага во сузбивање на физиолошките ефекти на реакцијата на нашето тело поради стравот. На пример, постепеното опуштање на мускулите помага во намалувањето на напнатоста на мускулите предизвикани од анксиозноста. Техниката е следна: седнете удобно на столицата и затворете ги очите. Почнувајќи од нозете па нагоре, системски затегнувајте и опуштајте ја секоја главна мускулна група (листови, бутови, итн). Одржувајте мускулна напнатост десетина секунди, па опуштеност 20 секунди. Оваа техника, како и многуте други стратегии на опуштање, можат да помогнат при намалување на симптомот на анксиозност.
Решавање на проблемот.
Решавањето на проблемот е активна стратегија којашто подразбира учење на луѓето да преземаат одредени чекори кога пристапуваат кон блокадите и предизвиците. Овие чекори вклучуваат дефинирање на проблемот, размислување за потенцијалните решенија, рангирање на решенијата, изработка на акционен план и тестирање на избраното решение.

Внимателност

Внимателноста е способност да се одржи потполно внимание во одреден момент со радозналост, отвореност и прифаќање. Стресот не може да се зголеми кога поминуваме време размислувајќи за минатото, грижејќи се за иднината, или при самокритикувањето. Вештината на внимателност можеме да ја развиеме преку формална пракса (како медитацијата) и преку неформални вежби (како внимателно чекорење – одржување внимателност при одењето и на нашето опкружување без размислување за милион други работи). Ваквите техники, како и терапиите засновани на овие техники за внимателност, се ефикасни за намалување на симптомите на депресија и анксиозност.

Преиспитување на негативните мисли.

Хроничниот стрес може да придонесе луѓето да развијат ментален филтер со кој автоматски ги интерпретираат ситуациите преку “негативна леќа“. Лицето може да избрза со стекнување негативен заклучок со малку или без никакви докази („мојот шеф мисли дека сум неспособен/неспособна) и да се сомнева во својата способност да се носи со предизвиувачите на стрес („ќе бидам скршен/а ако не го добијам унапредувањето“). За да ги преиспитате негативните мисли – третирајте ги како хипотези наместо факти и земете предвид други можности. Редовното користење на оваа техника може да им помогне на луѓето да ги намалат негативните емоции како одговор на предизвикувачите на стресот.

 

 

Избери ја брзината и пакетот со кој што сакаш да почнеш

Коментирај

Your email address will not be published. Required fields are marked *