Хранливи ужинки за сечиј вкус

 

 

 

Хранливи ужинки за сечиј вкус

 

Без разлика дали сакате да каснете нешто слатко, кремасто или крцкаво, испробајте ги овие хранливи
алтернативи на ужинки за да ја задоволите Вашата желба за грицкање.
Ужинката кога е правилна помага во неколку работи. Хранливата, избалансирана ужинка може да Ви
помогне да ја оддржите енеријата помеѓу оброците. Исто така, малите и хранливи ужинки, можат да Ви
помогнат во контролирањето на гладот за време на оброците, што значи дека може да се заситите со
помали порции и да имате дополнителна „можност за јадење“ еднаш или двапати во тек на денот со уште неколку хранливи порции.

Има еден проблем со начинот на кој многумина од нас јадат ужинка, а тоа е дека имаме тенденција да ја јадеме во движење. Значи, наместо да ги испланираме ужинките, едноставно чекаме да се појави желбата за грицкање или гладот. Бидејќи, за повеќето од нас, полесно е да појдеме до продавничката на аголот од улицата, автоматот за храна или пак до кујнските ормани и на тој начин да ја задоволиме желбата за храна, којашто е преполна со маснотии, сол или шеќер, еве неколку предлози на хранливи алтернативи ужинки за сечија желба и вкус.

Хранливи ужинки за сечиј вкус
Доколку копнеете за кремаста ужинка

Храната со кремаста, мазна текстура е пријатна за јадење и многу луѓе ја поврзуваат со утеха. Но, ако ја
задоволувате Вашата желба со калорични сладоледи или полномасни сирења, можеби ќе сакате да пробате една од овие алтернативи.

• Јогурт. Пробајте обичен обезмастен јогурт измешан со малку мед или јаворов сируп и збогатен со свежо овошје.
• Замрзната банана. Излупете банани, завиткајте ги во восочна хартија за печење и замрзнете. Пресечете ги на парчиња и јадете, или пак изблендирајте ги на висока брзина и направете си ужинка налик на сладолед од една состојка.
• Рикота сирење со ниска масленост. Измешајте ја рикотата со малку овошје и засладувач и за ужинка ќе добиете вкусен протеински пудинг кој заситува.
• Овес кој се готви набрзина. Згответе го овесот во мешавина од 50% нискомаслено млеко и 50% вода и варете неколку дополнителни минути за да добиете помазна текстура. Одозгора посипете цимет.
• Пудинг од чиа. Измешајте 1 лажица семе од чиа со ½ чаша млеко од соја со вкус на ванила и оставете да отстои 10 минути додека не започнете да згуснува, а потоа додадете му свежо овошје или пробајте на овој начин да подготвите пудинг од чиа и бобинки.
• Лижавчиња од замрзнат јогурт. Изблендирајте ванилин јогурт со овошје додека не добиете мазна смеса, истурете ја во калапи за лижавчиња и замрзнете.

Доколку имате желба за слатка ужинка

Понекогаш, кога нивото на енергија ни опаѓа, посакуваме слатки или пак посегнуваме кон слатките за да се почестиме или наградиме. Но, калориската вредност на многу слатки, може да биде навистина висока. Еве неколку совети за да ја задоволите желбата за слатко, а притоа да не претерате со калориите.

• Термички обработено овошје. Текстурата на готвеното овошје, дава чувство дека пред нас имаме храна налик на десерт. Обидете се да запечете половинки од грејпфрут или портокал на скара или фолија, да испечете праски или ананас во рерна или да сварите исечени јаболка, сливи… додека не омекнат и да ги зачините со сладок цимет или каранфилче.
• Кафе лате. Подгответе го Вашето лате со обезмастено млеко или млеко со малку маснотии и додадете малку засладувач и какао во прав.
Чоколаден протеински шејк. Протеински шејк направен со млеко и протеински прав со вкус на чоколадо може да ја задоволи Вашата желба за чоколадо и да Ви помогне во контролирање на гладот.
Протеински бар за грицкање. Кога посакувате чоколатце, протеинскиот бар е многу подобар избор, бидејќи може да Ви ја задоволи желба за нешто слатко и да Ви помогне во контролирање на гладот.

Доколку имате желба за нешто крцкаво или за солена закуска

Желбата за храна која што е крцкава и солена понекогаш е предизвикана од фрустрација или стрес. Тоа е така, затоа што чинот на џвакање и работење на мускулите на вилицата всушност ја ублажува напнатоста.

• Сос за макање од урда. Изблендирајте нискомаслена урда сè додека не добиете мазна смеса. Со мешање додадете малку темен сенф. Смесата користете ја како сос за макање на крцкави зеленчуци. Уживајте!
• Чипс од кељ. Чипсот од кељ се подготвува многу лесно. Отстранете ги дебелите стебла, скршете ги лисјата на парчиња со големина колку за еден залак, а потоа измијте ги и исушете ги темелно. Парчињата поросете ги со малку маслиново масло и сол, наредете ги на плех врз хартија за печење и печете 10-15 минути на 175С. Вртете ги повремено, сè додека рабовите не им покафенат.
• Пуканки. По испукувањето, поросете ги пуканките со малку пармезан кој има малку маснотии или со чили во прав.
• Печен тортиља чипс со авокадо. Купете печен чипс направен од грав или леќа со кој ќе внесете повеќе протеини, а јадете го со макање во сос од изгмечено авокадо и салца (гвакамоле).
• Ф’стаци или семки од сончоглед во лушпа. Орешестите плодови и семките содржат здрави масти, но истотака и доста калории. Меѓутоа, ако изберете ф’стаци или семки од сончоглед во нивните лушпи, ќе Ви треба повеќе време за да ги излупите, што пак може да Ви помогне полесно да ја исконтролирате количината што ќе ја изедете.

Избери ја брзината и пакетот со кој што сакаш да почнеш

Коментирај

Your email address will not be published. Required fields are marked *